Lëvizja Vetëvendosje e Lidhja Demokratike e Kosovës do të garojnë edhe një herë për ta fituar Podujevën.
Asnjëra nga këto dy parti nuk arriti të kalojë 50 përqindëshin e kërkuar për ta fituar komunën pa balotazh.
Por, me rezultatin e arritur aty ishin të kënaqur shumë simpatizantë të LDK-së, të cilët festuan mbrëmjen e së dielës me daulle e valle. Festës së tyre nuk i munguan as fishekzjarret e këngët për Ibrahim Rugovën, që u lëshuan në kryeqendrën e Llapit.
