Irani kërkon tërheqjen e plotë të Izraelit nga Libani si pjesë të marrëveshjes përfundimtare me ShBA-në

Irani thotë se tërheqja e plotë e forcave izraelite nga Libani duhet të jetë pjesë e një marrëveshjeje përfundimtare me ShBA-në, ndërsa luftimet vazhdojnë të vënë nën trysni marrëveshjen e brishtë ShBA-Iran.

“Tërheqja e pushtuesve nga të gjitha zonat e okupuara libaneze është e domosdoshme për arritjen e një marrëveshjeje përfundimtare dhe të qëndrueshme për vendosjen e stabilitetit rajonal,” tha të dielën zëdhënësi i Ministrisë së Jashtme, Esmaeil Baghaei, raportoi CNN, duke cituar agjencinë zyrtare iraniane të lajmeve IRNA.

Neni i parë i memorandumit të mirëkuptimit, të nënshkruar në fillim të këtij muaji, kërkon “ndërprerjen e menjëhershme dhe të përhershme të operacioneve ushtarake në të gjitha frontet, përfshirë në Liban.”

Ai thotë gjithashtu se “marrëveshja përfundimtare do të konfirmojë ndërprerjen e përhershme të luftës në të gjitha frontet, përfshirë në Liban,” por nuk kërkon shprehimisht tërheqjen e forcave izraelite nga jugu i Libanit.