Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri. Raste të tilla po ndodhin sidomos kur shtëpitë po mbesin pa përkujdesje dhe po bëhen qyl nga hajnat. Kështu e ka pësuar edhe familja Kryeziu në fshatin Xërxë të Rahovecit, ku hajnat kanë bërë kërdi, të premten gjatë orëve të mbrëmjes.
KFOR e përsërit: Të shmanget shfaqja e forcës në veri, zgjidhja të gjendet me dialog
Burimet brenda Prokurorisë kanë bërë me dije për Sinjalin se pronari i shtëpisë e ka denoncuar rastin në Polici, ku ka raportuar se hajnat kanë vjedhur rreth 11 mijë euro, pjesa më e madhe para të gatshme, si dhe disa stoli të arit.
Sipas deklaratës së tij, të dhënë para hetuesve policorë me rastin e denoncimit të rastit, kuptohet se të dyshuarit kanë depërtuar brenda me forcë dje në mbrëmje, ku kanë demoluar shtëpitë dhe më pas kanë vjedhur paratë dhe arin.
Pas raportimit të rastit, njësitë policore iu janë përgjigjur rastit dhe është bërë ekzaminimi i vendit të ngjarjes, ndërkohë që me urdhër të Prokurorit është iniciuar rasti si “vjedhje e rëndë” dhe kanë nisur hetimet për identifikimin dhe kapjen e të dyshuarve.
