Gjykata e Prishtinës ka dënuar me 250 euro kryeministrin në detyrë, Albin Kurtin që nuk ishte paraqitur në Prokurorinë Speciale (PSRK) për të dëshmuar lidhur me rastin e rezervave shtetërore.
Gjykata e Prishtinës më 04.03.2025 kishte lëshuar urdhër ndaj Kurtit për t’u paraqitur në Prokurori dhe për të dëshmuar lidhur me këtë rast.
Përkundër që kishte urdhër nga Gjykata e Prishtinës, Kurti përsëri nuk ishte paraqitur. Në po të njëjtën ditë, kryeministri kishte zgjedhur për të shkuar në një vizitë pune në Gjilan për të përuruar gur themelin e një çerdhe.
Pas këtij veprimi të kryeministrit të vendit, Gjykata e Prishtinës, siç mëson media e ka dënuar atë me 250 euro.
Për dënimin me gjobë ankesë ka paraqitur zyra Kryeministri, Albin Kurti më 13.03.2025.
Kallxo kishte dërguar email tek Gjykata e Prishtinës për të kuptuar se çfarë është vepruar nga ana e Gjykatës për mos-paraqitjen e dëshmitarit për të dëshmuar në objektin e Prokurorisë Speciale, por që asnjëherë nuk ka marrë përgjigje deri në publikimin e këtij lajmi.
Media kishte dërguar plotë pesë e-maile në drejtim të gjykatës, por pa sukses në marrjen e përgjigjeve
Pyetje lidhur me këtë rast i janë dërguar edhe zëdhënësit të Qeverisë, Përparim Kryeziut më datë 01.04.2025, mirëpo i njëjti nuk ka kthyer përgjigje lidhur me këtë rast.
Ndonëse ishte thirrur për të dëshmuar tri herë nga Prokuroria, çka kishte rezultuar pa sukses për organin e akuzës – pa një zgjidhje për ta bindur kryeministrin Kurti për të dhënë dëshmi për rastin e rezervave shtetërore në objektet e Prokurorisë Speciale – atëherë Prokuroria i ishte drejtuar Gjykatës.
Prokuroria kishte kërkuar nga Gjykata që të nxjerrë Vendim për urdhërimin e dëshmitarit, Albin Kurtit, që të paraqitet në objektet e Prokurorisë Speciale për të dhënë dëshmi – lidhur me rastin e rezervave shtetërore.
Kjo kërkesë e PSRK kishte ardhur pasi tri thirrjeve me rend nuk i’u ishte përgjigjur kryeministri i vendit, Albin Kurti.
Të tjera
Aktuale
Tërmeti shkund përsëri Greqinë
Një tjetër tërmet ka tronditur Greqinë
Aktuale
Prokuroria Speciale ngre aktakuzë kundër Faruk Mujkës dhe ish drejtorit të kadastrës në Mitrovicë
Prokuroria Speciale ka njoftuar se ka
Aktuale
Zyrtari izraelit për Bashkëpunim Rajonal vjen në Kosovë – Nënshkruhet memorandum mes ministrive të të dy vendeve
Ministria e Jashtme ka njoftuar se