Gani Geci, ish luftëtar i ditëve të apara të UÇK-së, bashkëluftëtar i Komandant Adem Jasharit e ish-deputet i Kuvendittë Kosovës, përmes një postimi në Facebook e ka përkujtuar Sejdi Kocën, veprimtar politik nga Drenica i cili ndërroi jetë sot në vendlindjen e tij, shkruan Botapress.
Geci në postimin e tij në Facebook ka bërë të ditur një detaj të jetës dhe të sfidës së Sejdi Kocës, deri më tash të panjohur, arrestimin dhe mbajtjen e tij, sic i ka quajtur Geci, “nga banda që thirreshin në emër të UÇK-së” dhe atentatin ndaj tij në fshatin Polac, pas përfundimit të luftës në Kosovë.
Për më shumë ja postimi i Gani Gecit në Facebook:
Të dashur miq,
Sot paska ndrruar jetë Sejdi Koca, njeriu i ndjekur e i përndjekur nga të gjitha regjimet e para luftës, gjatë luftës e pas luftës.
Pjesëmarrës në të gjitha zhvillimet politike kombëtare në Drenicë, njëri nga mësuesit e parë në Drenicë.
Që nga viti 1968 i përndjekur politikë, i kidnapuar nga UDB-ja dhe mbajtur në izolim sa herë që Tita vinte në Kosovë, i kindapuar dhe mbajtur në izolim në Vranjë dhe Leskovcë në vitin 1989 disa muaj i maltretuar dhe i rrahur nga UDB -ja ku edhe duart ia kishin thyer.
I zgjedhur anëtarë i kryesisë se LDK-së në Skëndera prej formimit të saj.
Pjesëmarrës në të gjitha zhvillimet kombëtare politike në Drenicë.
I kindapuar dhe mbajtur në burgjet e improvizuara nga disa banda që thirreshin në emër të UÇK-së ne fshatin Vaganicë por me urdhëra nga lartë sepse ishte mbeshtetës i politikës vizionare të presidentit Rugova,por u lirua pas intervenimit te Sylë Lushtakut dhe Sami Lushtakut.
Pas lufte ishte zgjedhur dy mandate Kryetar i Deges së LDK-së dega në Skënderaj
Sejdi Koca ishte plagosur me 4 plumba nga po të njejtat banda pas përfundimit të luftës “Te betoni” i fshatit Polac duke shkuar në shtëpi.
Ngushëllime familjes Koca!
I lehtë i qoftë dheu i Kosovës!
Varrimi i te ndjerit bëhet sot në orën 16 në varrezat e fshatit Polac.
Gani Geci .
P.s ne foto Sejdi Koca Hajriz Kastrati edhe Mehdi Bardhi.
