Ish-ushtari i Ushtrisë Çlirimtare të Kosovës, Adnan Hyseni ka ndarë së fundmi 10 mijë euro për Fondin e Sigurisë, shkruan Gazeta Botapress.
Ai në emisionin “Frontal” në T7 ka thënë se ka pasur nderin që të jetë pjesë e UÇK-së.
Më tutje ai tha se ndjenja që ka për ushtrinë është e jashtëzakonshme.“Ndjenja ka qenë dhe mbetet e jashtëzakonshme edhe sot kur shohim ushtarë sepse ndër breza shqiptarët janë përpjekur dhe kanë luftuar në forma të ndryshme, pa u ndalur për të arritur qëllimin e lirisë dhe krijimin e mundësisë që ne sot e kemi, pra ushtrinë e Kosovës”, tha ai.
Publikohen shifrat: Deputetët për tre muaj shpenzuan rreth 19 mijë euro për bileta, udhëtime…
Hyseni tha se ka vendosur që të kontribuojë në Fondin e Sigurisë për shkak të vuajtjeve të shumta ndër breza.
“Kur e kam parë lajmin se Qeveria e Kosovë ka marrë vendim për të krijuar Fondin për të mbështetur FSK-në, kam pasur emocione të papërshkrueshme, siç kam edhe tash, sepse kemi vuajtur shumë si komb”, tha ai. /Gazeta Botapress/
Videon e plotë të emisionit mund ta shikoni KËTU.
