Zëdhënësi i Bashkimit Evropian, Peter Stano, tha se nesër në Bruksel, në vazhdim të dialogut ndërmjet Serbisë dhe Kosovës, do të diskutohet në nivel teknik për zbatimin e marrëveshjes për energjinë.
“Të dyja palët i kanë përmbushur vetëm pjesërisht detyrimet e tyre në lidhje me Udhërrëfyesin për zbatimin e marrëveshjeve energjetike. Ka ende për të bërë dhe kjo do të diskutohet në takimin e ardhshëm të kryenegociatorëve”, tha Stano.
Nesër negociatorët kryesorë Besnik Bisljimi dhe Petar Petkoviq do të diskutojnë edhe për zbatimin e marrëveshjeve të Brukselit dhe Ohrit, përfshirë krijimin e Komisionit të Përbashkët.
LEXO EDHE:
Pesë persona të lënduar nga aksidenti në rrugën Prishtinë-Gjilan
Stano tha se Harta e Zbatimit të Marrëveshjes Energjetike nuk ishte temë në negociatat që çuan në marrëveshjet e fundit në Bruksel dhe Ohër.
“Megjithatë, është pjesë e marrëveshjeve të mëparshme në dialog dhe për këtë arsye është e detyrueshme. Me marrëveshjen e re palët u angazhuan që të zbatojnë plotësisht të gjitha detyrimet e mëparshme nga dialogu”, tha Stano për RTV21.