E dhimbshme: Sot i jepet lamtumira e fundit të riut që vdiq si pasojë e aksidentit tragjik në Drenas

Një ngjarje e rëndë ka ndodhur sot në Drenas, ku si pasojë e një aksidenti të rëndë mes një veture dhe një motoçiklete, një person ka humbur jetën

Sinjali mëson se viktima e këtij aksidenti është Aldion Mulaj, i cili ishte në motoçikletë, vdekja e të cilët është konstatuar nga ekipet mjekësore në QKMF-në e Drenasit.

Ndërkaq, nga ky aksident i lënduar ka mbetur edhe një person tjetër.

Për vdekjen e tij kanë njoftuar edhe familjarët, të cilët kanë thënë se Mulaj ka ndërruar jetë tragjikisht.

Ata po ashtu kanë njoftuar se varrimi i të ndjerit do të bëhet sot, në orën 18:00, në varrezat e lagjes Mulaj, fshati Tërstenik.

“Të nderuar familjar dhe miq,

Në vijim të njoftimit të mëhershëm, ju informojmë se ceremonia e varrimit të të ndjerit Aldion Hajdin Mulaj do të bëhet sot, e premte, në orën 18:00, në varrezat e lagjes Mulaj, fshati Tërstenik

Me pikëllim të thellë,

Familja Mulaj”, thuhet në njoftimin e tyre.