Sali Bytyçi është personi i vetëm që mbledhë mbeturina të riciklueshme në kontejnerët e Drenasit. Prej gati tre dekadash ai punon çdo ditë për të mbajtur familjen.“Po bëhen 25 vite që merrem me këtë punë”.
“Nuk kam të ardhura tjera, e as ndihmë prej ndokujt”, thotë Bytyçi, i cili tregon se këtë punë e bën i detyruar për t’i siguruar ekzistencën familjes së tij.
“Këtë punë e bëjë që të mos ia zgjati dorën askujt, të mos i them ama 1 euro”.Ai në një bisedë për RTK, tregon se gjatë ditës mund t’i nxjerrë deri në 5 euro.Bytyçi është i vetëdijshëm se kjo punë paraqet rrezik për faktin se mbeturinat mund të bartin infeksione te ai dhe familja e tij.
“Po duhet me pas kujdes, se normal mund ta infektojë familjen”.Ndihmat e vetme thotë se i merr në kohën kur njerëzit i japin ‘vitra’, por nuk e lë pa përmendur edhe një person i cili ka një dyqan e që i ndihmon herë pas here.
