Dy të panjohur e godasin me mjet të fortë një person në Mitrovicë, e bëjnë për spital

Një person ka raportuar se dy persona të panjohur e kanë sulmuar fizikisht duke e goditur me mjet të fortë prindin e tij.

Sipas raportit 24 orësh të Policisë së Kosovës bëhet e ditur se ngjarja ka ndodhur të martën rreth orës 21:20, në Mitrovicë.

Tutje në raport bëhet e ditur se viktima është dërguar për tretman mjekësor në QKUK, në Prishtinë, ndërsa rasti është cilësuar si “Vrasje në tentativë”.

“Ankuesi mashkull kosovar, ka raportuar se dy të dyshuar të panjohur e kanë sulmuar fizikisht duke e goditur me mjet të fortë prindin e tij viktimën mashkull kosovar. Viktima është dërguar për tretman mjekësor në QKUK-Prishtinë. Rasti nën hetime”, thuhet në raport.