Ditë e ngrohtë sot, maksimalja deri në 29 gradë

Ditën e premtë po parashihet stabilizim i kushteve atmosferike. Orëve të mëngjesit përgjatë ultësirave e luginave të lumenjve shfaqen kushte për mjegull, e gjatë ditës do të ketë më shumë intervale me diell. Pasdite zonave malore, nuk duhet përjashtuar mundësia që me zhvillime të vranësirave lokale, të shfaqen riga lokale shiu. Temperaturat minimale zbresin në 12C e 15C, derisa ato maksimale shkojnë deri në 27C e 29C. Frynë erë e lehtë dhe mesatare nga verilindja, 5-9m/s.

Mot shumë i ngrohtë dhe i nxehtë po parashihet ditëve të fundjavës, me maksimale prej 29C e 30C.

Të shtunën do të mbetet kryesisht me diell. Ditën e diel pasdite shtohen vransira, e më vonë gjatë natës në kalimin mëngjesin e së hënës, paraqiten kushte për të reshura shiu. Ditën e hënë pasdite më pas sërish priten intervale me diell, mirëpo temperaturat pësojnë rënie deri në 23C e 25C.

Kryesisht me diell parashihet nga dita e martë. Minimalet pritet të zbresin deri në 10C, mëngjesin e së martës. Erërat frynë nga jugu e jugperëndimi gjatë fundjave 3-10m/s. Nga dita e hënë ndryshojnë drejtimin në veriore e verilindore, njofton Mendimi për Motin.