Botapress, 19 Korik – Dhuna në familje po vazhdon të jetë një fenomen mjaft shqetësues, që shumë herë ka përfunduar edhe tragjikisht. Rastet që ndodhin në Kosovë janë nga më të ndryshmet, ku përfshihen bashkëshortët, fëmijët e anëtarët e tjerë të familjes. Për një rast të tillë që ka ndodhur dje në rrugën “Ibrahim Mazreku” në Malishevë, është arrestuar një person.
Por si ndodhi ngjarja dhe kë e rrahu i dyshuari V.B., 52-vjeçar?
Ngjarja dyshohet se ndodhi në orët e mbrëmjes, kur i dyshuari ka rrahur të birin 19-vjeçar dhe vëllain e tij 47-vjeçar, duke iu shkaktuar lëndime trupore.
Siç merr vesh Sinjali, fillimisht e pësoi i riu, i cili u sulmua fizikisht nga babai i tij në oborrin e shtëpisë. Për ta ndaluar rrahjen, në rast kishte ndërhyrë xhaxhai i 19-vjeçarit (vëllai i të dyshuarit), por edhe ai përfundoi në spital, me lëndime të rënda. Burimet nga Emergjenca kanë thënë për Sinjalin se ky i fundit dyshohet se ka thyerje te brinjëve si pasojë e sulmit nga i vëllai.
Dy viktimat janë dërguar në spital për trajtim mjekësor, teksa i dyshuari është arrestuar dhe shoqëruar në stacion, ku ka dhënë deklaratë në lidhje me rastin.
Për shkak të dyshimeve se ka kryer dy veprat penale “dhunë në familje” dhe “lëndim i rëndë trupor”, i njëjti është ndaluar për 48 orë me vendim të Prokurorit të Shtetit.
Rrahje në burgun e Dubravës, disa persona e bëjnë për spital të burgosurin 27-vjeçar
Përlahen gratë mes veti, kunati e bën llom kunatën!
Në ndërkohë një rast tjetër i dhunës në familje ka ndodhur të hënën në Vraniq të Suharekës, për çka është vënë në dijeni edhe Prokuroria.
Bëhet fjalë për një 52-vjeçar, i cili po dyshohet se e ka sulmuar kunatën e tij 50-vjeçare, pasi ajo kishte pasur një debat me gruan e tij (kunatën e saj).
Që të qetësohen gjakrat, burimet thonë se në përleshje kanë ndërhyrë edhe dy familjarë, për ta ndalur të dyshuarin, por përfunduan edhe ata në Polici.
Si pasojë e lëndimeve trupore, gruaja që u sulmua është dërguar në Qendrën e Mjekësisë Familjare për trajtim mjekësor, kurse të dyshuarit janë shoqëruar në Polici.
I dyshuari kryesor që sulmoi kunatën ka përfunduar në ndalim policor, teksa Prokurori i Shtetit ka urdhëruar që dy të dyshuarit e tjerë të hetohen në procedurë të rregullt.