Një nga fustanet e preferuar të Princeshës Diana do të dalë në ankand në Sotheby’s më 27 janar dhe pritet të arrijë nga 73,000 deri në 110,000 euro.
Fustani i purpurt prej kadifeje u dizenjua nga Victor Edelstein dhe u vesh nga Diana në setin e saj fotografik të Vanity Fair të vitit 1997.
“Princesha Diana është fotografuar në mënyrë të famshme në portrete profesionale dy herë me këtë fustan”, shpjegoi Cynthia Houlton, Shefja Globale e Modës dhe Aksesorëve të Sotheby.
“Pra, kjo e bën atë të veçantë. Arsyeja tjetër që e bën atë vërtet të veçantë është se Victor Edelstein ishte stilisti i Princeshës Diana për dhjetë vjet. Pra, padyshim, ai dizajnoi shumë fustane për të. Por ky fustan specifik ishte gjithashtu një nga të preferuarit e saj”- shtoi ajo.
Fustani është pjesë e ankandit të Sotheby’s “The One”./Botapress.info/
