Deda: Kurti e bëri hapin e parë – Kuvendi del nga bllokimi vetëm me dialog ndërpartiak

Ish-deputeti i Kuvendit të Kosovës, Ilir Deda, në lidhje me ftesën e Albin Kurtit për një takim konsulatativ me kryetarin e PDK-së, Memli Krasniqi, e atë të LDK-së, Lumir Abdixhiku, ka thënë se Kurti e bëri hapin e parë.

Sipas Dedës vetëm me dialog ndërpartiak dhe marrëveshje politike dilet nga situata në të cilën ndodhet Kuvendi i Kosovës.

“Albini e bëri hapin e parë me  dërgimin e ftesës liderëve të PDK-së dhe LDK-së. Vetëm me dialog ndërpartiak dhe me marrëveshje politike dilet nga situata e krijuar në Kuvend. Më mirë të takohen 100 herë e të mbrrijnë çfarëdo marrëveshje se sa të vazhdohet kështu si deri tash”, ka shkruar Deda në Facebook, të enjten.

Lëvizja Vetëvendosje ka kandiduar për kryetare të Kuvendit Albulena Haxhiu, por pa arritur ta sigurojë një shumicë parlamentare.