Duket se në ujërat e Mesdheut lindor tensionet po shtohen dita-ditës, pasi Greqia dhe Turqia, aleatë të NATO-s dhe njëkohësisht rivalë historikë, po i afrohen gjithnjë e më shumë një konfrontimi të mundshëm ushtarak që mund të përfundojë duke përfshirë të gjithë rajonin.
Askush nuk e dëshiron konfliktin ushtarak, por çfarë do të ndodhte nëse do të niste një konflikt ushtarak mes Greqisë e Turqisë? Nuk jemi si 100 vjet më parë dhe lufta tani është më e sofistikuar, elektronike dhe më e shpejtë, pa problemet e lëvizjes së njerëzve dhe pajisjeve.
Greqia ka 308 avionë luftarakë dhe aeroplanë të tjerë, përfshirë 150 F-16 sipas Master Nation dhe Armed Force EU. Turqia ka 465. Greqia ka 159,000 personel të forcave të armatosura. Turqia ka 610,000. Greqia ka 39 helikopterë sulmi. Turqia ka 36. Greqia ka 1.244 tanke.
Turqia ka 3.763. Greqia ka 11 nëndetëse. Turqia ka 13. Asnjëra nuk ka një transportues aeroplanësh, por ndajnë Egjeun dhe Mesdheun Lindor. Por pilotët luftarakë grekë janë të aftë, të renditur më të mirët në botë, madje me një çmim, Top Gun, nga NATO, aleanca mbrojtëse të cilës i përkasin të dy vendet dhe që nuk ka pranuar të ndërhyjë.
Egjeu është një kurth vdekjeprurës për lëvizje masive sulmuese turke. Ata rrezikojnë të bllokohen në një mori ishujsh nga ku do të bombardohen nga të gjitha anët. E gjithë Marina Greke është kundër Turqisë, dhe Turqia duhet të ketë mjaftueshëm forca në detin e Zi dhe Mesdheun Lindor me anijet turke që duhet të kalojnë ngushticat e Dardaneleve ose ngushticat e Karpathos.
Avantazhi i Turqisë qëndron tek fuqia e madhe njerëzore dhe rezervat, por duhet kohë për t’u mobilizuar dhe avantazhi zhduket në rastin e një luftë të shpejtë ose nëse NATO ose Shtetet e Bashkuara ndërhyjnë për ta ndaluar atë përpara se konflikti të bëhej shumë i dëmshëm.
