Arta Balaj sërish në garë – zëri që dëgjon qytetarin dhe flet për të në Kuvendin Komunal të Istogut

Ajo ishte asambleistja më e votuar nga radhët e Lidhjes Demokratike të Kosovës në legjislaturën që po lëmë pas. Ajo u vlerësua me Mirënjohje si Anëtarja më aktive e Kuvendit Komunal të Istogut, nga organizata prestigjioze DEMOS/Helvetas – një dëshmi e punës, zërit të fuqishëm dhe përkushtimit për qytetarin.

Sot, Arta Balaj i rikthehet garës zgjedhore, e mbështetur nga vlera, rezultatet dhe përvoja që ka ndërtuar ndër vite.

▪︎ Me përvojë të dëshmuar në arsim, me studime të përfunduara në Universitetin e Prishtinës dhe pasdiplomike në Universitetin “Luigj Gurakuqi” në Shkodër; ▪︎ E angazhuar në fushën e edukimit si themeluese e “English World Center” në Istog – një qendër për mësimdhënie për Gjuhë Angleze që ajo e udhëheq me përkushtim;

▪︎ Me zë të fuqishëm për kërkesat dhe hallet e qytetarëve në Kuvend, shumë prej të cilave tashmë janë kthyer në vendime konkrete falë bashkëpunimit institucional. Arta Balaj, me rrënjë nga Malësia – Plavë e Guci dhe pjesë e njërës prej familjeve më të njohura të Komunës së Istogut – Balaj, rikthehet për të kërkuar përkrahjen tuaj, për të vazhduar punën e nisur dhe për ta përfaqësuar Istogun me dinjitet, guxim dhe përgjegjësi

. E fuqishme, e përgatitur dhe e përkushtuar – një emër i sigurt për Kuvendin Komunal. Arta Balaj – Zëri juaj në Kuvend！ Lidhja Demokratike e Kosovës ✌︎ Arta është edhe bashkëshortja e aktivistit të madh të LDK-së, Arlind Balaj – një familje që i ka qëndruar besnike vizionit dhe vlerave të kësaj partie ndër vite.