Analisti politik Valon Syla ka komentuar deklaratën e Ambasadorit të Amerikës në Kosovë Philip Kosnett, ku tha se “Historia nuk fillon me Qeverinë Kurti”, e kësaj deklarate Syla i ka shtuar ironinë, se historia ka nisur edhe me Kurtin dhe Vjosa Osmanin si reagim ndaj mbështetjes në dukje për opozitën e atëhershëm e pushtetin e sotëm të VV’së nga ky diplomat amerikan, shkruan Gazeta Botapress.
Valon Syla, ishte helmues në shkrimin e tij të fundit në rrjetin social Facebook, duke thënë se Kosnetti dhe Kurti janë një tabor, dhe tash të mos ankohen për njëri-tjetrin, por të bartin pasojat e veprimtarisë së tyre.
“Kosneti edhe Albin Kurti janë një tabor. Tash mos të ankohen në histori. Krejtë kanë fillu me Kossnetin edhe Albin Kurtin. Na tjerët jemi hajna… e mira ka fillu me Vjosa Osmanin, Kossnetin edhe Albin Kurtin…
Për statusa të grave mos të flas… se ska kuptim”, ka shkruar Syla në Facebook.
Gazetari Syla ka aluduar faktin se gruaja e Kosnettit, Alison Kosnett ka mbështetur disa herë zëshëm, atëherë partinë opozitare Vetëvendosjen.
Në prill të vitit të kaluar Alison kishte shkruar ndër të tjerash në Facebook se kauza e Kurtit ishte e drejtë, duke përdorur kështu terminologji të pakuptimtë të kapjes së shtetit, derisa nuk ka reaguar asnjëherë për kapjen e shtetit nga VV’ja.
Kujtojmë, që sot Philip Kosnett ka thënë sot se Kosova ka detyrim që ta formojë Asociacionin e komunave me shumicë serbe. Ai tha se historia nuk ka nisur në ditën kur u formua Qeveria e Albin Kurtit.
“Historia nuk filloi në ditën kur u formua Qeveria e Kurtit, dhe ne besojmë se vendet kanë detyrimin t’i respektojnë marrëveshjet dhe zotimet e bëra më parë… Unë e di që disa njerëz kanë thënë që ne kemi bërë mjaft kompromise, i takon dikujt tjetër të bëjë kompromis. Nuk është një mënyrë shumë produktive për të ecur përpara”, ka deklaruar Kosnett./Botapress/
