Abdixhiku: Nuk mund të votojmë një shkelje kushtetute në ceremoninë e betimit të deputetëve

Kryetari i Lidhjes Demokratike të Kosovës Lumir Abdixhiku ka deklaruar se qëndrimi i LDK-së mbetet i pandryshueshëm lidhur me mandatet.

Sipas tij, nuk mund të votohet një shkelje kushtetute në ceremoninë e betimit të deputetëve, sepse një gjë e tillë është e palogjikshme.

“I pandryshueshëm. Natyrisht se nuk e votojmë raportin. Nuk mund të votojmë një shkelje kushtetute në ceremoninë e betimit të deputetëve, është e palogjikshme. Qëndrimet e LDK-së jo vetëm që janë të menduara mirë, por janë edhe në frymë të mbrojtjes së demokracisë dhe kushtetutës së Republikës së Kosovës. Prandaj deputetët e LDK-së nuk mund të shkelin kushtetutën. Nëse kjo kërkohet prej LDK-së, nuk do të bëhet asnjëherë”, ka deklaruar Abdixhiku.