Lumir Abdixhiku, kryetar i Lidhjes Demokratike të Kosovës, gjatë seancës së sotme parlamentare ku po diskutohet për çështjen e dialogut, ka kritikuar qeverinë, duke thënë se kjo e fundit ka sjellje të mbyllur, arrogante dhe të papërgjegjshme.
Ai ka shtuar se, kurrë nuk ka pasur asnjë qeveri si kjo e udhëhequr nga Albin Kurti, kaq pak përfillje ndaj popullit.
E fundit: Këta janë dy të dyshuarit që privuan nga jeta 41-vjeçarin në Fushë Kosovë
‘Sjellje e mbyllur, arrogante dhe papërgjegjshme e Qeverisë. Kaq pak transparencë e kaq pak përfillje ndaj popullit nuk ka pasur kurrë asnjë Qeveri”, ka deklaruar ai.
Tutje, Abdixhiku, ka thënë se Kurti ka bërë gjëra të kundërta nga ato që janë thënë në programin qeverisës.
‘Në programin qeverisës flitet për njohjen reciproke me Serbinë dhe për njohjen e Kosovës nga 5 vendet e BE-së. Në këtë dokument kryeminsitri flet edhe për bashkëpunim të ngushtë me opozitën. Nga kjo shihet se Kurti, jo që i ka plotësuar këto, por ka bërë krejtësisht të kundërtën. Asnjëri nga gjashtë kapitujt e tij nuk janë pjesë e dialogut që ai e ka pranuar në fillim. Tash flasim për njohje bazë, pa njohjen de jure, që e vendos Kosovën në një platformë të re negociuese’’, ka thënë ai.
I pari i LDK’së ka vijuar në fjalën e tij duke shtuar se, Kurti e ka kthyer dialogun në betejë politike në Kosovë.
“Dialogun e ka kthyer në betejë politike në Kosovë. Nuk ke arritur ta mbash asnjë premtim. Nuk ke arritur as ta shtyesh përpara procesin, as të arrihet më shumë sovranitet në veri”, i është drejtuar ai Kurtit.
Pos këtyre, ai ka treguar se janë vetëm dy rrugë në lidhje me Asociacionin.
“I keni 2 rrugë, ose ta shbëni këtë marrëveshje ndërkombëtare, ose ta implementoni, tjerat janë lojra”, shkruan Abdixhiku. /Botapress.info/