Kryetari i Aleancës për Ardhmërinë e Kosovës, Ramush Haradinaj, ka njoftuar se sot partia që ai udhëheqë ka vendosur që kolektivisht të kontribuojë në Fondin e Sigurisë së Kosovës.
Haradinaj, në një shënim në Facebook, ka thënë se anëtarët e Këshillit Drejtues dhe ata të Kryesisë së AAK-së, e konsiderojnë obligim dhe detyrë që ta ndihmojnë këtë fond.
Ish-ushtari i UÇK-së dëshiron të luftojë në Ukrainë: Lufta e tyre është e drejtë
“Sot kam marrë pëlqimin e anëtarëve të Këshillit Drejtues dhe të Kryesisë së AAK që kolektivisht ta ndihmojmë Fondin e Sigurisë së Kosovës. E konsiderojmë obligim e detyrë që ta ndihmojmë këtë Fond, i cili është ndihmesë për Shtetin dhe për sigurinë nacionale e rajonale”, ka shkruar ai.
Që nga hapja e këtij fondi, shumë qytetarë, ndërmarrës, politikanët, artistë e figura publike kanë kontribuar financiarisht me shumë të ndryshme monetare.
Fondi ka hapur sot mundësinë për të dhuruar para, ndërkaq deri tani nuk ka ndonjë raport zyrtar se sa para janë mbledhur brenda orëve të para.