Emilja Rexhepi: VV ka 30 ditë afat për propozime, unë s’jam e interesuar për kryekuvendare

Zëvendëskryeministrja në detyrë, Emilja Rexhepi, ka deklaruar se Lëvizja Vetëvendosje ka afat prej 30 ditësh për të bërë propozimet për konstituimin e Kuvendit të Kosovës.

Ajo theksoi se procesi do të varet nga rrjedha e zhvillimeve politike gjatë kësaj kohe.

“Ne kemi 30 ditë afat me propozimet e VV, e shohim si shkon situata dhe pastaj vendosim. Nuk besoj, nuk jam e interesuar që të propozohem”, u shpreh Rexhepi, duke i mbyllur spekulimet e mundshme për një kandidim të saj për kryetare të Kuvendit.