Vendimi i Gjykatës Kushtetuese, SHBA do zhbllokim të situatës: Kosova po humbet mundësi

Ambasada e Shteteve të Bashkuara të Amerikës ka kërkuar nga udhëheqësit politikë të veprojnë në bazë të vendimit të Gjykatës Kushtetuese për të konstituuar Kuvendin e Kosovës dhe krijuar institucionet e reja.

Ambsada e ShBA-së konstaton “mundësi të humbura” për Kosovën si pasojë e bllokadës disa mujore.

“Gjykata Kushtetuese e Kosovës ka lëshuar vendimin e saj dhe lidershipi politik duhet të punojë së bashku për t’i formuar institucionet në përputhje me Kushtetutën dhe vendimet e Gjykatës Kushtetuese”, kështu thuhet në një përgjigje për Kohën.

“Populli i Kosovës pret nga udhëheqësit e tyre t’i përmbushin angazhimet e tyre për të punuar në interesin më të mirë të vendit. Ky bllokim I vazhdueshëm politik po rezulton në mundësi të humbura për Kosovën. Është koha që lidershipi të prioritizojë progresin dhe stabilitetin në dobi të qytetarëve”, thuhet në përgjigjen e Ambasadës.