Anëtari i Kryesisë së Lidhjes Demokratike të Kosovës, Muhamet Hamiti në një postim në Twitter ka thënë se është koha që Serbia të njohjë realitetin e pavarësisë, sovranitetit dhe integritetit territorial të Kosovës, shkruan Gazeta Metro.
Ai shprehet se njohja e ndërsjellë midis Kosovës dhe Serbisë do të stabilizonte marrëdhëniet midis dy vendeve por edhe rajonin.
“Është koha që Serbia të pranojë përpara se të vazhdojë të mohojë realitetin e pavarësisë, sovranitetit dhe integritetin territorial të Kosovës. Njohja e ndërsjellë e Kosovës dhe Serbisë do të normalizonte marrëdhëniet midis dy vendeve dhe do të stabilizonte rajonin.”, shkruan Hamiti.
Gjatë ditës së djeshme, Zëvendës Ndihmës Sekretari i Shtetit i SHBA’ve. Matthew Palmer ka deklaruar se midis Kosovës dhe Serbisë mund të ketë marrëveshje edhe pa njohje midis dy palëve nëse arrihet dakordi.
It is high time for #Serbia to acknowledge rather than continue being in denial of the reality of #Kosovo’s independence, sovereignty and territorial integrity. Mutual recognition of Kosovo and Serbia would normalize relations between the two countries and stabilize the region.
— Muhamet Hamiti (@MuhametHamiti) June 5, 2021
