14 infermiere shtatzënë në të njëjtën kohë në një spital

Një ngjarje e rrallë dhe emocionuese ka ndodhur në spitalin HSHS St. Vincent në Green Bay, Wisconsin, ku 14 infermiere që punojnë në qendrën e grave dhe foshnjave janë shtatzënë në të njëjtën kohë.

Lajmi është bërë i ditur nga vetë spitali, i cili ka publikuar edhe fotografi ku infermieret shihen të buzëqeshura dhe krenare, teksa pozonin duke përqafuar barkun e rrumbullakosur.

Kjo situatë e veçantë ka sjellë gëzim jo vetëm për nënat e ardhshme, por edhe për të gjithë stafin spitalor.

“Ky është një moment i jashtëzakonshëm me shumë nga infermieret tona që do të bëhen nëna për herë të parë,” ka deklaruar Amy Bardon, drejtoreshë e qendrës, duke theksuar emocionet dhe entuziazmin që ka sjellë ky zhvillim në ambientin e punës.

Ngjarja është përhapur me shpejtësi në rrjetet sociale, ku është pritur me komente pozitive dhe është cilësuar si një “mrekulli kolektive” – veçanërisht në një vend ku lindjet janë pjesë e përditshmërisë për këto gra të përkushtuara.