Funerali i Mbretëreshës Elizabeth II do të mbahet të hënën, më 19 shtator, në Westminster Abbey. Kjo ditë është shpallur ditë pushimi në gjithë Mbretërinë e Bashkuar nga Mbreti Charles III, i cili e ka marrë zyrtarisht detyrën në mëngjesin e 10 shtatorit.
Trupi i pajetë i mbretëreshës do të dërgohet nga Kështjella Balmoral në Edinburg ditën e diel, para se të dërgohet të martën në Londër.
Nga dita e mërkurë, trupi i saj do të jetë në ndërtesën e Parlamentit britanik, deri në ditën e varrimit.
Mbretëresha Elizabeth II u nda nga jeta më 8 shtator, në moshën 96-vjeçare./Botapress.info/
