Viktimat e të pandehurit kishin lënë një takim para vrasjes në Klinë, një familjar tha se ‘do të marrë hak’

Të mërkurën përmes rrjeteve sociale, Jon Hoti pretendohet se kishte aranzhuar një takim me Rexhep e Albison Shlivova në një lokal në qendër të Klinës.

E gjatë këtij takimi, tutje dosja e prokurorisë të cilën e ka siguruar Kallxo tregon se 19 vjeçari Jon Hoti në mënyrë të fshehtë dyshohet se kishte nxjerrë një armë zjarri dhe ishte kthyer nga dy viktimat e kishte shtënë në drejtim të tyre duke u shkaktuar plagë e që për pasojë Rexhep e Albison Shlivova nuk kishin arritur t`u shpëtonin plagëve që kishin marrë.

Kështu përshkruhet se ndodhi vrasja e dyfishtë në Klinë por që ende deri më tani nuk është zbuluar saktë motivi që shtyu të riun tashmë të dyshuarin kryesor, Jon Hoti të kryente veprën penale të vrasjes së rëndë.

U raportua se tashmë ekipe policore janë të vendosura në afërsi të shtëpive të viktimave dhe të dyshuarit për shkak se raportet janë acaruar mes familjeve.