Vëllai i Liridona Ademajt reagon pas raportit të Forenzikës për Murselin

Instituti i Psikiatrisë Forenzike ka përfunduar raportin e ekzaminimit psikiatrik ndaj Naim Murselit, të akuzuarit kryesor për vrasjen e Liridona Ademajt. Sipas këtij raporti, Murseli nuk vuan nga asnjë çrregullim mendor.

Në lidhje me këtë ka reaguar edhe Leonard Ademaj, vëllai i viktimës, i cili përmes një postimi në rrjetet sociale tha se familja mirëpret raportin e ekspertëve dhe kërkon që rasti të trajtohet me shpejtësi nga gjykata.

“Ne si familje e mirëpresim raportin e Forenzikës në lidhje me rastin e vrasjes së Liridonës tonë dhe shpresojmë që gjykata do të vazhdojë të procedojë shpejtë me rastin ashtu siç ka bërë deri më tani,” ka shkruar Adema

Ai shtoi se familja pret drejtësi pa vonesa.

“Ne duam drejtësi të shpejtë, profesionale, pa gabime dhe vendosshmëri nga ana e gjykatës që të mos lejojë që ky rast të zvarritet me vite. Seanca e rradhës mbahet të hënën më 14 korrik në ora 9:00,” ka thënë ai.