“U skanuan dhe nuk shkuan në punë”, ‘Trepça’ ndërpret marrëdhënien e punës për dy punonjës

Komisioni Disiplinor i Trepça Sh.A. ka marrë vendim për ndërprerjen e marrëdhënies së punës për dy punonjës, pas shkeljeve të konstatuara në evidencën e prezencës.

Sipas raportit zyrtar, punonjësit me inicialet Xh.Q. dhe I.H. kanë pasur mungesa të shumta të pajustifikuara në punë, përkatësisht 188 dhe 194 ditë.

Po ashtu, është konstatuar se në disa raste ata kanë regjistruar vetëm hyrjen ose nuk kanë regjistruar fare prezencën, ndërsa pagesat janë realizuar sikur të kishin qenë në punë.

Si provë, është shqyrtuar edhe një video nga data 1 prill 2026, që tregon një rast të mosprezencës në vendin e punës.