Turqia e mbështet Kosovën me 200 milionë lira turke për forcimin e kapaciteteve të FSK-së

Qeveria e Kosovës ka miratuar nismën për lidhjen e Marrëveshjes Financiare Ushtarake me Turqinë, me të cilën Republika e Turqisë do të mbështes Kosovën me 200 milionë lira turke.

Lajmin e ka bërë të ditur përmes një postimi në Facebook, ministri i Mbrojtjes, Ejup Maqedonci, duke sqaruar se këto mjete janë të destinuara për forcimin e kapaciteteve të Forcës së Sigurisë së Kosovës (FSK).

“Miratohet në Qeverinë e Republikës së Kosovës nisma për lidhjen e Marrëveshjes Financiare Ushtarake ndërmjet së cilës Qeveria e Republikës së Turqisë do të mbështes Qeverinë e Republikës së Kosovës me 200,000,000.00 TL (dyqind milionë lira turke) për forcimin e kapaciteteve të Forcës së Sigurisë së Kosovës,” ka shkruar Maqedonci.