“Turp të të vijë, je dhe burrë malësor”. Lindita Nikolla përjashton Flamur Nokën nga seanca

Deputeti i Partisë Demokratike, Flamur Noka, u përjashtua nga seanca, sipas kryetares së Kuvendit, Lindita Nikolla, për shkak të fjalorit të pahijshëm që përdori në seancë.

“Po më kërcënon? Po kërcënon kryetaren e Kuvendit? Turp të të vijë, je dhe burrë malësor”, iu drejtua Nikolla-Nokës, teksa ky i fundit dhe deputetë të tjerë të opozitës kishin bllokuar foltoren e Kuvendit.

Sherri nisi që nisje të seancës, pasi deputetët e opozitës kërkuan mocion me debat me Kryeministrin Edi Rama, si dhe regjistrimin e Sali Berishës si deputet i grupit parlamentar të Partisë Demokratike. Nikolla i hodhi poshtë pretendimet e opozitës, çka solli edhe reagimin e tyre.

Për shkak të protestave të deputetëve seanca u ndërpre për herë të dytë, për të rifilluar disa minuta më vonë.