Vjenë, 21 shkurt 2026: Me një turne shahu, të pesëdhjetin me radhë që nga themelimi, në ambientet e Federatës së Shahut të Vjenës, klubi i shahut Arbëria shënoi 18-të vjetorin e Ditës së Pavarësisë së Kosovës. Njëmbëdhjete shahiste të këtij klubi matën forcat e tyre në shah të shpejtë duke i dhënë këtij aktiviteti një karakter festiv. Pas pesë xhirove u bënë të ditura rezultatet dhe u shpall lista përfundimtare, me në krye tre më të mirët, të cilët kësaj radhe ishin:
Kadri Berbati, vendi i parë me 4,5 pikë
Agron Çika, vendi i dytë me 4 pikë
Sokol Çekani, vendi i tretë me 3,5 pikë
Kupat për tre më të suksesshmit i ndau Presidenti i Federatës së Shahut të Vjenës, Gregor Neff, ndërsa medaljet për të gjithë pjesëmarrësit në turne kryetari i klubit Arbëria, Anton Marku.
Presidenti Gregor Neff përgëzoi kryesinë e klubit të shahut Arbëria për organizimin, ndërsa Anton Marku e falënderoi atë dhe Federatën e Shahut të Vjenës për mbështetjen dhe ofrimin e sallës për mbajtjen e këtij evenimenti.
Në turne mori pjesë edhe Hanna Wehbeh, i cili është Zëvendëspresident i Federatës së Shahut të Vjenës dhe njëkohësisht edhe lojtar i klubit Arbëria.
Klubi i Shahut Arbëria me seli në Vjenë është themeluar në vitin 2012, ndërsa që nga viti 2013 merr pjesë në kampionatin e shahut në Austri. Momentalisht klubi bën gara në ligën e dytë të Vjenës.
Të tjera
Kulture Lajme
Era Halimi sjell këngën e saj “Drenica ime”!
Vajza 8-vjeçare po tregon
Aktuale
Kurti nis valën e emërimeve në 19 ministri: Kush janë zëvendësministrat deri tani?
Kryeministri i Kosovës, Albin Kurti,
Kulture Lajme
Bjeshka e Madhe – potencial i turizmit dimëror
Nga: Adem Lushaj Zhvillimi ekonomik i një vendi është i ndërlidhur ngushtë me resurset natyrore që ai posedon, qofshin ato nëntokësore apo mbitokësore. Në këtë kontekst, turizmi përfaqëson një nga sektorët me rritjen më të shpejtë dhe me ndikim të drejtpërdrejtë në mirëqenien ekonomike. Ai nuk është më vetëm një aktivitet shërbimi, por një industri globale në zhvillim të