Tre të lënduar nga aksidenti i rëndë në Grabovc, treni përplaset me veturën

Tre persona janë lënduar si pasojë e një aksidenti në fshatin Grabovc i Poshtëm, i cili ka ndodhur sot rreth orës 13:50.

Lajmin për Sinjalin e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti.

Ahmeti konfirmoi se në këtë aksident ka qenë i përfshirë një tren dhe një automjet. 

“Rreth orës 13:50 kemi pranuar informatën për një aksident trafiku në fshatin Grabovc i poshtëm.

Në këtë aksident ka qenë i përfshirë një tren dhe një automjet . Si pasojë e aksidentit, tre persona janë lënduar . Me rastin po merret Njësiti i Trafikut Rajonal”.