Tragjedi në Fushë Kosovë, bie nga ndërtesa një grua e moshuar

Një rast tragjik është raportuar në Fushë Kosovë, ku një grua e moshuar dyshohet se ka rënë nga një ndërtesë dhe ka humbur jetën në vendngjarje.

Sipas informacioneve të para, ngjarja ka ndodhur në rrethana ende të paqarta, ndërsa viktima ka rënë në hapësirën mes dy veturave të parkuara pranë objektit.

Sinjali ka kontaktuar Policinë e Kosovës për më shumë detaje lidhur me rastin, ndërsa autoritetet pritet të japin informacione zyrtare.