Policia e Kosovës ka ndëshkuar një shofer nga rrethina e Malishevës, i cili u kap duke bërë një tejkalim të rrezikshëm në vijë të plotë në rrugën magjistrale Prizren–Gjakovë, në fshatin Landovicë.
Rasti u raportua pas publikimit të një videoje më 10 gusht 2025 në rrjetet sociale, ku shihej një veturë Mercedes e bardhë duke rrezikuar trafikun. Pas identifikimit nga Njësia Rajonale e Trafikut Rrugor në Prizren, në bashkëpunim me Stacionin Policor të Malishevës, ndaj shoferit u shqiptua gjobë prej 200 euro dhe masë ndaluese e vozitjes për tre muaj për kundërvajtjen “tejkalim në zonën e ndaluar”.
Policia bëri të ditur se, përmes mekanizmit ILECU, lidhur me këtë masë do të njoftohet edhe shteti i Zvicrës.
Institucioni apelon te qytetarët që të respektojnë rregullat e trafikut për të mbrojtur jetën e tyre dhe të tjerëve, duke theksuar se siguria rrugore është përgjegjësi e përbashkët.
Të tjera
Aktuale
Martens, Osmanit: Kam raportuar për oligarkët rusë, kriminelët serbë të luftës, e s’jam paditur kurrë…
Gazetari i FAZ, Michael Martens, thotë
Aktuale
“Gjasat më të mëdha për tu zgjedhë president i ka Abdixhiku – Kurtit nuk i konvenon Osmani
Analisti Nexhmendin Spahiu tha në Pressing
Aktuale
VV në mbrojtje të shkeljes që bëri, sulmon Kushtetuesen
Gjykata Kushtetues e Republikës së Kosovës