Një tjetër person i afërt me kryeministrin e Kosovës, Albin Kurtin, u përfshi në një skandal të madh. Kësaj radhe asamblisti i partisë së kryeministrit, Lëvizja Vetëvendosje në Prishtinë, Besnik Mujeci u arrestua në Shqipëri, si i dyshuar për përfshirje në një grup që shpërndante drogë ekstazi nëpër plazhet shqiptare.
Mujecit dhe të arrestuarëve të tjerë u janë gjetur 11 mijë e 300 tableta ekstazi me peshë 5kg në vlerë 400 mijë euro.
Mujeci është asamblist i partisë në pushtet, Vetëvendosje, në komunën e Prishtinës. Ai ishte zgjedhur asamblist për herën e dytë.
Asambleisti i arrestuar për drogë në Shqipëri, i afërt me tre ministra të Kurtit
Afera tjera të kësaj partie janë ato që përfshijnë ministren e Tregtisë dhe Industrisë, Rozeta Hajdari për çështjen e rezervave shtetërore. Është raportuar se prokuroria ka nisur hetimet për rastet e grurit dhe vajit, sasi të të cilave nuk u sollën në vend, ani se për to ishin dhënë paratë.
Skandali tjetër, ndër më të mëdhenjtë në të cilin u përshinë njerëz të Vetëvendosjes është afera e përgjimit, e njohur në publick si “Zdravo”, në të cilën shefja e grupit parlamentar të Vetëvendosjes, Mimoza Kusari – Lila flet me homologun e saj të Listës serbe, Sllavko Simiq, e ku ndër tjera, konfirmohet se e para ka komunikuar edhe me Milan Radojqiqin, të sanksionuar nga Shtetet e Bashkuara e të kërkuar edhe nga autoritetet kosovare të drejtësisë, ndër tjera, edhe për përfshirje në rastin e vrasjes së Oliver Ivanoviqit.
Rasti i këtij përgjimi u bë aq i madh saqë bëri të plas edhe dhuna në Kuvend, kur zëvendëskryeminisntri Besnik Bislimi hodhi shishen më ujë në deputetin Mërgim Lushtaku, pasi ky paraprakisht e lagu kryeministrin Albin Kurti.
Një tjetër rast ku njerëz të VV-se patën telashe me drejtësinë ishte ai i ish nënkryetarit të Mitrovicës, Faruk Mujka, i cili u mbajt në paraburgim dhe në shtëpinë e të cilit u gjetën 60 mijë euro kesh në shtëpi. Sipas prokurorisë, në këtë rast ka ekzistuar dyshimi se Mujka, në cilësi të personit zyrtar, ka shfrytëzuar detyrën apo autoritetin zyrtar me qëllim të përfitimeve pasurore, ka tejkaluar kompetencat e veta zyrtare dhe nuk i ka respektuar detyrat dhe përgjegjësitë e veta që të ushtrojë funksionin në bazë të ligjit.
Dy tjera skandale që përfshijnë njerëz të afërt me pushtetin janë ai i amabasadorit Martin Berishaj, i cili supozohet se tregtoi rrymë me Serbinë dhe tjetri me kryeshefin ekzekutiv të KEK-ut, Nagip Krasniqi i cili ishte arrestuar nga Prokuroria Specale për shkak të dyshimit se ka kryer veprat: “Keqpërdorimi i pozitës apo autoritetit zyrtar”, “Ushtrimi i ndikimit” dhe “Konflikti i interesit”.
