Shikoni momentin e sulmit në aeroportin e Dubait, në një sekondë u bë kaos i plotë

Kamerat e mbikëqyrjes në Aeroportin e Dubait kanë filmuar momentin kur aeroporti u godit gjatë një sulmi iranian të shtunën në mbrëmje.

Ndërsa pasagjerët po prisnin në radhë në sportele, ata dëgjuan një shpërthim të fuqishëm dhe panë një shkëndijë nga jashtë aeroportit. Pas kësaj, të gjithë filluan të vraponin në panik, duke thyer barrierat që ndanin sportelet.

Të dielën, i njëjti aeroport, një nga më të ngarkuarit në botë, u evakuua pasi një sallë pësoi “dëme të vogla”.

Teherani ka synuar qendrat e udhëtimit në vendet aleate të SHBA-së me një seri sulmesh.

Gjatë fundjavës, u konfirmua se katër punonjës të aeroportit u plagosën në sulm. Kompanitë ajrore anuluan fluturimet dhe korridori ajror mbi Lindjen e Mesme u mbyll.