Sadiku: Në veriun e Mitrovicës merren objekte me qira për të prodhuar kriptovaluta

Zëvendëskryesuesi i Kuvendit Komunal në Mitrovicën e Veriut, Skënder Sadiku, ka konfirmuar se në këtë komunë prodhohen kriptovalutat.

Sadiku theksoi se njerëz nga vende të ndryshme marrin edhe objekte me qira për të zhvilluar aktivitetin e prodhimit të monedhave elektronike.

Ai shtoi se si pasojë e kësaj, shumë lagje të kësaj komune kanë pasur telashe me rrymën.

“Po, ka. Ka edhe objekte që janë marrë me qira. Ka njerëz që jetojnë në X vende dhe kanë marrë me qira, i paguajnë ndonjë fukaraje një shumë të caktuar të parave. Në atë fukarallëk kanë përfituar”.

“Po flas për komunën e Mitrovicës së Veriut, ku jam zgjedhur me vullnetin e 1 mijë e 23 qytetarëve. E vetmja lagje e cila s’ka pasur probleme me rrymë ka qenë ‘Kodra e Minatorëve’, pasi janë pak banorë shqiptarë aty dhe nuk kanë mundësi financiare të pajisen me mjete për prodhimin e kriptovalutave. Kurse lagjet e tjera si Lagjja e Boshnjakëve dhe dy Krojet e Vitakut kanë pasur telashe me rrymë. Edhe tash kur po flasim në Lagjen e Boshnjakëve ka familje që kanë rrymë në vetëm një fazë”, ka deklaruar ai në KlanKosova.

Ministrja e Ekonomisë, Artane Rizvanolli, sot gjatë ditës ka marrë vendim që të ndalohet aktiviteti i prodhimit të kriptovalutave për shkak të nevojës së kursimit të energjisë elektrike si pasojë e krizës energjetike që po mbizotëron në Kosovë.

Tags: kriptovaluta Veriu

Sadiku: Në veriun e Mitrovicës merren objekte me qira për të prodhuar kriptovaluta

Të ngjashme

Prokuroria për vrasjen në Skenderaj: Rasti është cilësuar si “vrasje e rëndë”, dy të dyshuar ndodhen në arrati

Vrasje në Skenderaj, dorasi dhe viktima janë familjarë

Rutte: NATO do të punojë me këdo që do ta udhëheqë Kosovën

Procesohen edhe disa vota në KQZ – VV dhe AAK shënojnë rritje, PDK e LDK mbetën njëjtë

Lajmet e fundit