Rritja e çmimit të rrymës sjell pasoja: “Buka dhe gjithë shporta esenciale do të shtrenjtohen”

Një protestë kundër shtrenjtimit të energjisë elektrike do të mbahet nesër në orën 15:00 në Sheshin Zahir Pajaziti, si reagim ndaj propozimit të ZRRE-së për një rritje prej 15% të tarifave të rrymës.

Ekonomistja Vjollca Nura, gjatë një interviste në “Ora Shtatë” në Klan Kosova, paralajmëroi se kjo rritje nuk do të ndikojë vetëm në faturat e energjisë, por do të shkaktojë një rritje zinxhir të çmimeve të produkteve dhe shërbimeve, duke prekur drejtpërdrejt qytetarët dhe shtrenjtimin e artikujve esencialë si buka dhe uji.