Xhem Gërxhaliu ishte babai i njohësit të çështjeve ekonomike dhe ish kryetarit të Odës Ekonomike të Kosovës, Safet Gërxhaliu, i cili në kohën kur babai i tij u vra ishte në mërgim.
Një rrëfim i padëgjuar më parë për vrasjen e Xhem Gërxhaliut nga forcat serbe është përshkruar nga bashkëfshatari i Xhemës, Selim Izmaku.
Xhem Gërxhaliu ishte babai i njohësit të çështjeve ekonomike dhe ish kryetarit të Odës Ekonomike të Kosovës, Safet Gërxhaliu, i cili në kohën kur babai i tij u vra ishte në mërgim.
E bashkëfshatari i tyre Selim Izmaku, me anë të një postimi në “Facebook”, i’a ka dedikuar një shkrim emocionues Xhem Gërxhaliut, i cili më të dëgjuar brima fëmijësh dhe grash shkoj tek fqinjët e tij për t’u ndalë në ndihmë, mirëpo ai së bashku më dymbëdhjetë fqinjët e tij u vra nga forcat paramilitare serbe.
Postimi i plotë i Selim Izmakut:
Sahere vjen data e tridhjetë e një Majit përplaset një gjamë… Ushton gryka… e qielli vranët …rënkon toka si klithmë… si ndërgjegje e vrarë…Atë ditë u vranë dymbëdhjetë andrra ….vranë fëmijë…këputen jetë!. Lajmi kobtar mori dhëne e vranë krejt familjen e Selatinit dhe bacin Gjemë
Sot baci Xhemë po shkruaj për Ty. Legjenda mbi sakrificën e njeriut për vëllain kojshi po përsëritet at botë e sot po të gjej Ty këmbëkryq n’oborr të Selatin Gërxhalisë! Kur shkove…?
Britma e atyre fëmijëve për ndihmë nuk më ka lënë të qetë…Duhet vdekë për kojshi…tha baci Xhemë!.
Një britmë për ndihmë që vinte nga shtëpia e Selatinit plakun Xhemë e ngriti në kambë..Një ulërime hienash të etur për gjak kishte rrethuar shtëpinë e Selatinit….
Medet për neve…ata janë fëmijë…., janë gra frikohen …ndoshta Selatini nuk asht n’shpi…të shkoj e ti shpëtoj, janë të pa mbrojtur, janë sabi. U nis drejt vdekjes si me lind përsëri.
U bënë 22 vite pritje…! Ama bacë me m’tregue si vdiset për vëlla e kojshi…?. Pasha bacinë na kurrë s’jemi ligshtue para armikut./Botapress.info
