Liga e Kampionëve vazhdon sonte me ndeshjet e xhiros së tretë dhe do të jetë një natë interesante me derbi.
Do të luhet sërish në dy orare, nga ora 18:45 dhe 21:00, ndërsa përpos ditës së sotme edhe dita e nesërme (e mërkurë) do të jetë një maratonë ndeshjesh.
Në program janë nëntë ndeshje për t’u zhvilluar ditën e sotme.
Me fillim nga ora 18:45 Milani pret Club Bruggen në ‘San Siro’, teksa takimi tjetër që do të zhvillohet në të njëjtin orar është ai mes Monacos dhe Crvena Zvezdës.
Sa i përket ndeshjeve që do të nisin me fillim nga ora 21:00, spikat përballja mes Real Madridit dhe Borussia Dortmundit, një ripërsëritje e finales së sezonit të kaluar në Ligën e Kampionëve.
Duel tjetër interesant pritet të jetë edhe ai mes Juventusit dhe Stuttgartit që do të zhvillohet në ‘Allianz Stadium’. Gjiganti italian do të synojë ta vazhdojë serinë perfekte të rezultateve në këtë edicion të ri të Ligës së Kampionëve, teksa gjermanët e Stuttgartit do të kërkojnë fitoren e parë pas humbjes ndaj Real Madridit dhe barazimit në shtëpi ndaj Sparta Prahës.
Nga ora 21:00 do të luajnë edhe Arsenal-Shakhtar Donetsk si dhe PSG-PSV ku ‘Topçinjtë’ dhe parisienët llogariten favoritë absolut në letër.
Ndeshjet që do të zhvillohen sot në Ligën e Kampionëve;
18:45 Milan – Club Brugge
18:45 Monaco – Crvena Zvezda
21:00 Arsenal – Shakhtar
21:00 Aston Villa – Bologna
21:00 Girona – Slovan Bratislava
21:00 Juventus – Stuttgart
21:00 PSG – PSV
21:00 Real Madrid – Borussia Dortmund
21:00 Sturm – Sporting
Të tjera
Aktuale
IKD: Qeveria në detyrë duhet të lirohet nga anëtarët e saj të cilët janë zgjedhur deputetë
Instituti i Kosovës për Drejtësi (IKD)
Aktuale
Banda e Radoiçiqit terrorizoi stadiumin në ndeshjen me Anglinë, shumica të kërkuar për Banjskën
Pesë pjesëtarë të bandës së kryeterroristit
Aktuale
Kushtetuesja e shpall të papranueshme ankesën e Ramës kundër rregullores së mbeturinave
Gjykata Kushtetueseka shpallur të papranueshme ankesën