Rezultati i dobët i LDK’së, Agim Veliu kërkon zgjedhje partiake dhe llogaridhënie për humbjet

Ish-nënkryetari i LDK-së, Agim Veliu, deklaron se “humbjet radhazi nuk janë rastësi”, sipas tij “ato janë verdikt i qartë politik”, vlerëson Veliu një ditë pas zgjedhjeve, referuar rezultatit të LDK-së.

Veliu pohon se “mosreflektimi pas tyre nuk është më gabim – është refuzim i përgjegjësisë”.

Tutje, Veliu në profilin e tij në Facebook shkruan:

Një parti që kërkon besimin e qytetarëve nuk mund të sillet sikur humbjet nuk kanë autor. Mbyllja ndaj kritikës, mungesa e analizës dhe kapja e vendimmarrjes e kanë dëmtuar rëndë partinë dhe e kanë larguar shumë nga misioni i saj.

Kërkoj publikisht dhe pa ekuivoke:

– llogaridhënie politike për humbjet,

– transparencë të plotë mbi vendimmarrjen, e cila mungon kohë të gjatë në LDK,

– dhe hapjen e menjëhershme të një procesi demokratik të brendshëm, me garë reale në të gjitha nivelet!

Askush nuk është mbi partinë.

Askush nuk ka mandat të përhershëm nga humbja.

Nëse nuk ka reflektim dhe ndryshim, ky drejtim nuk mund të mbrohet më dhe nuk i shërben të ardhmes së Lidhjes Demokratike të Kosovës.

Reagimi i plotë: