Shkarkimi i Rektorit Naser Sahiti dhe emërimi i U.D. rektores Luljeta Plakolli-Kasumi ka nxitur LDK-në që të reagojë ndaj kësaj ndërhyrje në Universitetin e Prishtinës.
Në reagimin e LDK-së ndër të tjerash thuhet:
Nën ndikimin e partisë në pushtet, Këshilli Drejtues i Universiteti të Prishtinës “Hasan Prishtina e shkarkoi sot rektorin i këtij universiteti, Prof. dr. Naser Sahitin. Për Lidhjen Demokratike të Kosovës kjo është ndërhyrje e papranueshme e politikës në institucionet arsimore.
Presidentja dhe shefja e re e UP-së kanë qenë ortake në biznes
Këtij akti të papranueshëm e të dëmshëm për arsimin i ka paraprirë kapja e Këshillit Drejtues të UP-së nga partia në pushtet përmes përzgjedhjes së kandidatëve me kriter partiak-klientelist e me integritet të kontestuar.
Këshilli Drejtues i UP-së ekzekutoi sot sheshazi kërkesën politike të Qeverisë për të instaluar rektor të dëgjueshëm të pushtetit në UP.
Efektet e ushtrimit të ndikimit dhe të kontrollit nga pushteti në arsimin e lartë dëmtojnë rëndë cilësinë dhe funksionimin institucional.
Dija, hulumtimi shkencor dhe studimi në universitet janë jetike për zhvillimin e arsimit, ndaj çdo ndërhyrje politike në këtë institucion të rëndësishëm është i pafalshëm.
Lidhja Demokratike e Kosovës vlerëson se respektimi i autoniomisë së universitetit është kusht për të siguruar integritetin dhe cilësinë e arsimit të lartë thuhet në reagimin e LDK-së përcjëllë Botapress.
