Një ngjarje e rëndë raportohet te ketë ndodhur në Gjakovë, ku një femër ka deklaruar para policisë se dy burra e kanë sulmuar seksualisht dhe dhunuar.
Viktima femër ka raportuar në polici se është dhunuar dhe sulmuar seksualisht nga dy burra në periudha të ndryshme kohore.
Siç ka bërë të ditur policia një nga të dyshuarit për sulm seksual është arrestuar ndërsa i dyshuari i dytë për dhunim pas kërkimit është kuptuar se ndodhet jashtë vendit.
Me vendim të prokurorit viktima është intervistuar dhe dërguar për kontroll mjekësor.
“DHUNIM – SULM SEKSUAL Gjakovë 15.08.2023-23:10. Viktima femër kosovare ka raportuar se ndaj saj janë kryer veprat e lartcekura nga dy të dyshuar të ndryshëm, në periudha të ndryshme kohore, ku si rredhojë nga njësitë policore njëri nga të dyshuarit (për sulm seksual) është arrestuar dhe dërguar në mbajtje, ndërsa i dyshuari i dytë ndodhet në kërkim policor ku sipas informacioneve ndodhet jashtë vendit. Lidhur me rastin me vendim të prokurorit viktima femër kosovare pas intervistimit është dërguar për kontroll mjekësor. Rasti nën hetime”, ka raportuar policia./Botapress.info/