Raporti vjetor financiar për LDK – sa i kishte të hyrat e sa shpenzoi ky subjekt gjatë vitit të kaluar

Në raportin e publikuar nga Komisioni Qendror i Zgjedhjeve për raportet vjetore financiare të partive politike për vitin 2024, janë publikuar të dhëna edhe për Lidhjen Demokratike të Kosovës.

Në këtë raport, bëhet e ditur se të hyrat e LDK–së përgjatëvitit të kaluar kanë qenë gjithsej 643,047.00.

Kurse shpenzimet që ka bërë kjo parti kanë prekur shifrën prej 594,398.08.

Po ashtu, në raport pos tjerash thuhet edhe se ‘‘Subjekti Politik LDK ka paraqitur një kontratë shitblerjeje për një pjesë të objektit dhe një kontratë qiraje për një pjesë tjetër të objektit që përdoret si seli qendrore. Megjithatë, pjesa më e madhe e këtij objekti vazhdon të mos jetë e mbuluar me dokumentacion të plotë pronësie, si fletët poseduese, ose me kontrata të vlefshme qiraje, pavarësisht se subjekti politik ka deklaruar dhe paguar tatim në pronë për këtë objekt në vlerë prej 765.00 euro për vitin e përfunduar më 31 Dhjetor 2024. Mungesa e dokumentacionit të pronësisë dhe qirasë kufizon aftësinë tonë për të verifikuar ekzistencën, tërësinë dhe saktësinë e vlerës së pasurive të regjistruara në pasqyrat financiare’’.