Sistemi më i avancuar i raketave portative të Britanisë besohet se ka rrëzuar një helikopter rus kur u përdor për herë të parë në fushën e betejës në Ukrainë.
Starstreak, një predhë me shpejtësi të lartë që shkatërron objektivat me tre shigjeta kinetike, u filmua duke prerë helikopterin në dy pjesë mbi rajonin e Luhansk në lindje të vendit
Një burim i Ministrisë së Mbrojtjes besonte se video tregonte Starstreak në veprim mbi Ukrainë. Burimi shtoi se sistemi kundërajror ishte vendosur në vend për gati një javë, shkruan The Times, transmeton Gazeta Express.
Një video që besohet se shfaq momentin e rrëzimit të helikopterit rus nga ukrainasit e ka publikuar gazetari i TRT, Ali Ozkok.
