Qasja në drejtësi mbetet përkushtim i yni ditor, angazhimi është i përditshëm

Ministrja e Drejtësisë, Albulena Haxhiu ka vizituar Komunën e Mitrovicës Veriore.

Sipas njoftimit nga ministrja Haxhiu, fillimisht ajo ka vizituar Qendrën e Paraburgimit, ku është njoftuar nga afër me angazhimin dhe përkushtimin e stafit në punën e tyre ditor si dhe me sfidat që ballafaqohen.

“Fillimisht, ministrja Haxhiu vizitoi Qendrën e Paraburgimit në Mitrovicën Veriore ku u prit nga drejtori i kësaj qendre, z. Benasim Medic. Gjatë kësaj vizite Ministrja u njoftua nga afër me angazhimin dhe përkushtimin e stafit në punën e tyre ditor si dhe me sfidat që ballafaqohen. Gjatë vizitave në pavione, ministrja Haxhiu pati rastin të takoj edhe personat e dënuar të cilët vuajnë dënimet në këtë Qendër dhe të dëgjoj mendimet dhe kërkesat e tyre.” – thuhet në njoftim.

Sipas njoftimit, pas vizitës në QP, Haxhiu vizitoi edhe Zyrën Mobile për Ndihmë Juridike Falas në Komunën e Mitrovicës së Veriut.