Sipas hulumtimit të Insajderit, pas raportimeve të qytetarëve, tregon se punësimet në Drejtorinë e Administratës së Përgjithshme në Mitrovicë, po bëhen me baza partiake. Komunë kjo që udhëhiqet nga Bedri Hamza nga radhët e Partisë Demokratike të Kosovës.
Rreth para një jave janë publikuar listat për pranimin e një kandidati në Drejtorinë e Administratës së Përgjithshme në Mitrovicë, me pozitën “Ndihmës Punëtor”.
Në këtë konkurs kanë aplikuar gjithsej 10 kandidat, mirëpo është pranuar vetëm vajza e militantit të PDK-së, Vlora Haxhiu.
Nga hulumtimi i Insajderit, babai i kandidates së pranuar është Ferit Haxhiu, i cili edhe ka kandiduar për zgjedhje komunale nga radhët e PDK-së, në Mitrovicë.
Kandidatja e parë e pranuar, Vlora Haxhiu, në konkursin për “Ndihmës Punëtor”, ka arritur 506, pikë gjithsej, me anë të së cilës edhe është përzgjedhur për këtë pozitë.
Gazeta Insajderi ka provuar të kontaktojë me Nënkryetarin e Komunës së Mitrovicës, Arian Tahirin, se a ështëpunësuar kandidatja me baza pariake, mirëpo përkundër që kemi pritur më shumë se pesë (5) ditë nga i njëjti nuk është kthyer asnjë përgjigje.
Gjithashtu është kontakuar edhe vajza në fjalë, Vlora Haxhiu, mirëpo e njëjta nuk është përgjigjur asgjë.Gazeta ka dërguar email edhe te Drejtoria e Administratës së Përgjithshme në Mitrovicë, mirëpo të njëjtin nuk janë përgjigjur.
Ditë më parë Gazeta ka raportuar po për këtë komunë, e udhëhequr nga Bedri Hamza për punësimet e fundit në sektorin e shëndetësisë ku dyshohet se po bëhen me lidhje partiake por edhe familjare.
Nga dhjetëra kandidatë, dy që u pranuan kanë lidhje. Njëri ka një familjar tashme të punësuar aty ku po shkon edhe vet, tjetri në publik haptazi e ka shfaqur miqësinë me nënkryetarin e komunës, Arian Tahiri.
Në këtë konkurs për laborant aplikuan gjithsej 56 kandidatë. Nga numri total i aplikimeve, 12 nga ta munguan në testim, duke bërë kështu që në garë të jenë vetëm 44 kandidat.
Bashkë me 54 kandidatë të tjerë, në këtë konkurs kishin aplikuar edhe Luan Gjinovci e Albin Murseli, njëri aktivist i Partisë Demokratike – dega në Mitrovicë – ndërsa tjetri del të jetë djali i laborantit në këtë qendër.
I pranuari i parë, djali i Laborantit të QKMF-së
Albin Murseli, i cili u pranua si i pari në listë, sipas burimeve të Insajderit, del të jetë edhe i biri i laborantit të QKMF-së, Brahim Murselit.
Ndërsa i pranuari i dytë, Aktivist i Partisë Demokratike i dyti në listë
I dyti në listë i pranuar në këtë konkurs doli, Luan Gjinovci me gjithsej 68.5 pikë të grumbulluara.
Gjinovci është parë në shoqërinë e nënkryetarit të PDK-së në Mitrovicë, Arian Tahiri dhe asamblistit, Fisnik Suma.
Punësimet politike e familjare në Kosovë traditë prej vitesh
Që në institucionet publike të punësohen persona të afërt me politikanë e parti në pushtet nëpër komuna, tashmë ky është fenomeni i denoncuar e raportuar gjerësisht.
Ka shumë raste ku janë raportuar edhe shkelje brenda konkurseve të ndryshme, po për të punësuar njerëz të afërt me partitë në pushtet.
Djali, vajza, nipat e mbesat kanë përfituar jo rrallë herë nga politikbërësit, e sidomos ata të pushtetit në vend.
Gazeta Insajderi ka raportuar në vazhdimësi për rastet e tilla pavarësisht nga partia politike ku janë marrë veprimet e tilla.
