Punime pa leje e pa siguri në zemër të Prishtinës, punëtorët ‘sfidojnë’ inspektoratin mbi objektin në pronë publike

Gazeta Sinjali ka siguruar pamje nga një ndërtesë në mes të Prishtinës, ku po kryhen punime mbi një objekt të ndërtuar pa leje, ndërsa ato po vazhdojnë pa asnjë pengesë – as nga Komuna, e as nga inspektorët komunalë.

Sipas pamjeve të siguruara nga Sinjali, disa punëtorë shihen duke punuar në kushte të rrezikshme, pa pajisje sigurie dhe pa masa mbrojtëse, mbi një objekt që është ngritur në pronë publike – në kundërshtim me të gjitha ligjet dhe rregulloret ndërtimore.