Prokuroria po shqyrton kontratën milionëshe të nënshkruar nga Rozeta Hajdari me kompaninë private

Prokuroria Themelore në Prishtinë ka hapur rast ndaj ministres së Industrisë, Ndërmarrësisë dhe Tregtisë në Kosovë, Rozeta Hajdari.

Kjo prokurori ka bërë me dije se janë duke i shqyrtuar informata rreth nënshkrimit të kontratës që Hajdari ka bërë me kompaninë “Kosmonte Foods”.

LEXO EDHE KETE

Detaje të reja për rastin në Sibovc të Podujevës, ka të plagosur dhe të arrestuar

“Ju njoftojmë se Prokuroria Themelore në Prishtinë është duke i shqyrtuar informatat lidhur me këtë çështje”, ka thënë për AP-në Laureta Ulaj, zyrtare për Informim në Prokurorinë Themelore.

Ajo ka vlerësuar se për këtë rast prokuroria do të veprojë konform dispozitave ligjore të Kodit të Procedurës Penale të Kosovës./Botapress.info/