Pritje deri mbi 2 orë në Merdarë, fluks edhe në Jarinje e Dheu i Bardhë

Sipas të dhënave të publikuara nga Qendra Kombëtare për Menaxhim Kufitar, situata më e rënduar është në pikën kufitare në Merdarë, ku pritjet për dalje arrijnë 120-150 minuta, ndërsa kolona është 1.2 kilometra e gjatë.

Në Dheun e Bardhë, pritjet për dalje janë rreth 90 minuta, me kolonë prej 700 metrash.

Ndërkohë, në Jarinje koha e daljes varion nga 30 deri në 40 minuta, me kolonë rreth 500 metra, ndërsa në Bërnjak situata paraqitet e qetë, pa kolona dhe me kohë pritjeje prej vetëm 3-5 minutash në të dy drejtimet.